მესი ,,რეალზე” საუბრობს

4073

“ბარსელონას“ ვარსკვლავურმა შემტევმა ლიონელ მესიმ საკლუბო დონეზე უმთავრესი მეტოქის, მადრიდის “რეალის“ შესახებ ისაუბრა.

“თუ პოზიციების მიხედვით შევხედავთ, “რეალს“ ჩვენსავით, მსოფლიოს საუკეთესო მოთამაშეები ჰყავს, მაგრამ მათ, ერთი გამორჩეული თვისება აქვთ. “რეალს“ შეუძლია, შედეგს იმ შემთხვევაშიც კი მიაღწიოს, როცა ცუდად თამაშობს. მათ დასამარცხებლად, “ბარსელონას“ ერთი თავით მაღლა ყოფნა მართებს.“

ასევე, არგენტინელმა ისაუბრა უეფას ჩემპიონთა ლიგაში კატალონიელთა ასპარეზობის შესახებ. როგორც იცით, ამ სეზონში, გუნდმა 1/4 ფინალში “რომას“ ბარიერი ვერ გადალახა:

“იმ უპირატესობის გათვალისწინებით, რაც გვქონდა, ნახევარფინალში უნდა გავსულიყავით. ჩვენთვის ეს დიდი იმედგაცრუება იყო. წარმატებასთან ძალიან ახლოს ვიყავით,“ – ციტირებს მესის Tyc Sports-ი.

 წყარო: adjarasport.com