სერხიო რამოსი: “ლეო მესი დიეგო მარადონაზე სინათლის წელიწადით წინ დგას”

317

ესპანეთის ნაკრებისა და მადრიდის “რეალის” მცველის, სერხიო რამოსის აზრით, ლიონელ მესი არგენტინისთვის უფრო მნიშვნელოვანი ფეხბურთელია, ვიდრე დიეგო მარადონა იყო.

“ყველამ, მათ შორის, არგენტინელებმაც, იციან, რომ ლიონელ მესი დიეგო მარადონაზე სინათლის წელიწადით წინ დგას.

ისტორიაში საუკეთესო არგენტინელი ფეხბურთელი, რა თქმა უნდა, ლიონელ მესია”, – აღნიშნა რამოსმა.

32 წლის ფეხბურთელს ირანთან მატჩის შეფასებაც სთხოვეს.

“ბედნიერები ვართ, რომ ჯგუფიდან გასვლისკენ კიდევ ერთი ნაბიჯი გადავდგით. ახლა უნდა ვცადოთ და ჯგუფში პირველი ადგილი დავიკავოთ.

ვფიქრობ, ყველა ასპექტში მომატება შეგვიძლია”, – განაცხადა რამოსმა.

შეგახსენებთ, რომ ესპანეთის ნაკრებმა ირანი 1:0 დაამარცხა.