ლევან კორღალიძე: გაგრასთან მარცხი ჩემი კარიერის იმედგაცრუებაა

საბურთალომ წლევანდელი სეზონი მე-5 ადგილზე დაასრულა, ხოლო საქართველოს დავით ყიფიანის სახელობის თასზე ნახევარფინალში დამარცხდა.

თუ რა გეგმები აქვს მომავალში საბურთალოს და რა სიახლეებია კლუბში, მთავარი მწვრთნელისგან, ლევან კორღალიძისგან გავიგებთ, რომლის ინტერვიუც კლუბის ვებგვერდზე გამოქვეყნდა.

_ სამტრედიასთან მატჩის შემდეგ სეზონი წარუმატებლად შეაფასეთ. რამ გამოიწვია ეს შედეგი?

_ უკვე წლებია საბურთალო მაღალი მიზნებისთვის იბრძვის. გუნდი მოკლე დროში ქვეყნის ჩემპიონი გახდა, დაეუფლა თასსა და სუპერთასს. აქედან გამომდინარე, ვთვლი რომ სეზონი წარუმატებლად დასრულდა. მიუხედავად იმისა, რომ საბურთალოს შუა სეზონიდან შევუერთდი, შედეგზე პასუხისმგებელი თავად ვარ. ამას არა აქვს მნიშვნელობა, მე დავაკომპლექტე გუნდი, თუ არა. ამჟამად, კლუბის მთავარი მწვრთნელი ვარ და პასუხისმგებლობაც მე მეკისრება. ვიცი, რა საქმიანობასაც შევეჭიდე. მჯერა, მალე ყველაფერი კარგად იქნება. გვერდში დგომასა და სრულ მხარდაჭერას ვგრძნობ კლუბის ხელმძღვანელებისგან – ტარიელ ხეჩიკაშვილისგან, კახა კაშიასგან, კახა ამირიძისგან და ყველა იმ ადამიანისგან, ვინც საბურთალოში მუშაობს. მათი მხარდაჭერა და ყველა იმ ადამიანების გვერდში დგომა, მაიმედებს და ძალას მმატებს. ხელმძღვანელების ხელშეწყობა რომ არ მქონოდა, სხვა გადაწყვეტილებას მივიღებდი.

_ რომ გადავავლოთ თვალი, ხანდახან დიდი ისტორიის მქონე კლუბებიც ვერ ახერხებენ სასურველი მიზნის მიღწევას.

_ ხდება-ხოლმე, რომ სეზონი წარუმატებლად სრულდება, ამაში ტრაგედია არ უნდა შევქმნათ. რა თქმა უნდა. სამწუხაროა, თუმცა, მთავარია, სწორად გავაანალიზოთ, თუ რამ განაპირობა ეს შედეგი. კიდევ ერთხელ განვმეორდები – კლუბის ხელმძღვანელობა, სამწვრთნელო შტაბი, ყველა გვერდში მიდგას, რაც ჩემთვის დამატებითი მოტივაციაა.

_ ძალიან მტკივნეული იყო მარცხი თასის ნახევარფინალში გაგრასთან, მით უფრო მაშინ, როდესაც პირველი და მეორე ეტაპი დინამოსთან და ტორპედოსთან გუნდმა დამაჯერებლად ჩაატარა. რა მოხდა იმ შეხვედრაში?

_ პირველ რიგში ვულოცავ გაგრას თასის მოპოვებასა და მომავალში წარმატებებს ვუსურვებ. ამავდროულად, ჩემი პატივისცემა ამ კლუბს, თუმცა ვიტყვი, რომ ვალდებულები ვიყავით ხსენებული თამაში მოგვეგო. თასის გათამაშება კარგად დავიწყეთ, ორი ძლიერი გუნდი გამოვთიშეთ ასპარეზობას და ახლოს ვიყავით თასის მეორედ მოგებასთან, მაგრამ… ეს მარცხი ჩემს სამწვრთნელო კარიერაში სამუდამოდ დარჩება, როგორც იმედგაცრუება. გაგრასთან შეხვედრაში მოტივაცია დაგვაკლდა, ამავდროულად ბევრი ტრავმირებული ფეხბურთელი გვყავდა, მაგრამ ეს ჩვენს მარცხს არ ამართლებს. ფეხბურთი ამით არის საინტერესო, რომ ძლიერი ყოველთვის ვერ იმარჯვებს.

_ ტრავმები ახსენეთ. ერთ-ერთი მიზეზი, რის გამოც საბურთალომ წლეულს წარუმატებლად იასპარეზა ხშირი ტრავმიანობა და მოკლე სკამი იყო. თებერვლიდან გუნდს გიორგი კოხრეიძეც შეუერთდება, რომელიც საბურთალოსთვის დიდი ძალაა. ანალოგიური მომავალ წელს რომ არ განმეორდეს, ალბათ გარკვეული ფეხბურთელების დამატება მოგიწევთ.

_ გიორგი კოხრეიძე ძალიან დიდი ძალაა საბურთალოსთვის. მიხარია, რომ ის მალე შეუერთდება გუნდს. რაც შეეხება მოკლე სკამს – იყო შემთხვევები, როდესაც ვარჯიშზე 10 ფეხბურთელით ვიყავით და დუბლებიდან ვიმატებდით ახალგაზრდებს, რათა სრულფასოვანი ვარჯიში ჩაგვეტარებინა. თუ გავიხსენებთ თელავთან საგარეო მატჩს, იმ შეხვედრაში თადარიგში მეკარე და ორი ფეხბურთელი გვყავდა.

_ სეზონის დასრულების შემდეგ კლუბის ხელმძღვანელობასთან გქონდათ შეხვედრა. როგორია საბურთალოს მომავალი გეგმები?

_ საბურთალო მაღალი მიზნებისთვის მებრძოლი კლუბია და ასე იქნება მომავალშიც. რა მატჩებიც ჩემი ხელმძღვანელობით ჩავატარეთ, ბევრი დადებითი კონტურები გამოჩნდა, რამდენიმე კარგი თამაში ვითამაშეთ. მართალია, გორში დავმარცხდით, მაგრამ ლამაზი, კომბინაციური გოლები გავიტანეთ. გვქონდა შეცდომები, მაგრამ სწორი გაანალიზებაა საჭირო. მჯერა, შედეგიც მალე სასურველი გვექნება.

_ ახლა კლუბებში სატრანსფერო ციებ-ცხელებაა. რომ გვითხრათ, ვინ დატოვა კლუბი და ვინ არიან საბურთალოს ახალწვეულები?

_ საბურთალოში იქნება ცვლილებები, კლუბს სჭირდება ახალი სისხლი. რამდენიმე ფეხბურთელთან დავასრულეთ მოლაპარაკება, ისინი მომავალში ჩვენს კლუბში ითამაშებენ. თუმცა, უმჯობესი იქნება მათი ვინაობა ყველა იმ ფორმალური საკითხების დასულების შემდეგ გითხრათ, როდესაც ყველაფერი მორჩება. უახლოეს დღეებში გეცოდინებათ წამსვლელ-მომსვლელთა ვინაობა.

_ როდის დაიწყებთ ახალი სეზონისთვის მზადებას?

_ 26 დეკემბრიდან ფეხბურთელები ინდივიდუალური პროგრამით დაიწყებენ ვარჯიშს. 10 იანვრიდან როდესაც შევიკრიბებით, რაღაც დონეზე მზად რომ იყვნენ. თავდაპირველად, დედაქალაქში მოვემზადებით, შემდეგ კი თუ პანდემია ხელს არ შეგვიშლის, თურქეთში გავემგზავრებით დასკვნით შეკრებაზე.

_ და ბოლოს: საბურთალო აკადემიის წარმატებულ ფეხბურთელებს პირველ გუნდში აწინაურებს. ალბათ, ეს გეზი მომავალშიც გაგრძელდება.

_  ყველა მწვრთნელს ფეხბურთისადმი თავისი შეხედულება აქვს. საბურთალოში ისეთ მწვრთნელებს უმუშავიათ, რომლებიც აკადემიის განვითარებას დიდ ყურადღებას აქცევენ. მეც ასეთ მწვრთნელებს მივეკუთვნები. ვფიქრობ, როდესაც საბურთალოში ჩემი კანდიდატურა განიხილებოდა, ერთ-ერთი ფაქტორი სწორედ აკადემიის განვითარება და წარმატებული ფეხბურთელების დაწინაურება იყო. ვინც დაიმსახურებს პირველ გუნდში თამაშს, მათთვის კარი ყოველთვის ღია იქნება. თუმცა, მათი ჩანაცვლება უმტკივნეულოდ უნდა მოხდეს. ვისარგებლებ შემთხვევით და ყველა ადამიანს, დაწყებული კლუბის ხელმძღვანელობიდან, დამთავრებული დარაჯამდე, ყველას დიდ მადლობას გადავუხდი, იმ სითბოსა და სიყვარულისთვის, რასაც ჩემს მიმართ იჩენენ. ამას გულწრფელად ვგრძნობ თითოეულ ჩემს ფეხის ნაბიჯზე. ეს ყველაფერი ძალიან დიდი კომფორტია ჩემთვის, უფრო მეტი შემართებით ვარ. ერთიანობა, გვერდში დგომა, სითბო და ფეხბურთისადმი დიდი სიყვარული შედეგს აუცილებლად მოიტანს.

გააზიარე

მსგავსი სიახლეები

რჩეული

გავიხსენოთ დიდი კაცი

"ასრულებული ოცნება ოცნება აღარაა" – თქვა ერთმა დიდმა კაცმა, რომელიც 1939 წლის 6 იანვარს კიევში დაიბადა და დღეს 82 წლის გახდებოდა. მან სპორტში უდიდესი...

იუბილარი ფრაზებში

ლეგენდარული და მრავლისმნახველი სერ ალექს ფერგიუსონი არც მეტი, არც ნაკლები 79 წლის გახდა! უპირველეს ყოვლისა, მას ჯანმრთელობას ვუსურვებთ. გავიხსენოთ მისი საინტერესო გამონათქვამები: "ჩემი ცხოვრების განმავლობაში,...

კინგსლი კომანის დაბრუნების სავარაუდო თარიღი ცნობილია

მიუნხენის „ბაიერნის“ შემტევმა, კინგსლი კომანმა მცირე დაზიანება მიიღო, თუმცა საბედნიეროდ ფრანგი ფეხბურთელი სერიოზულ ტრავმას გადაურჩა. როგორც ირკვევა, მედიკოსები კინგსლის დაბრუნებას 8 იანვარს, „გლადბახის“ წინააღმდეგ ვარაუდობენ....

MD: რას აპირებს „ბარსელონა“ იანვრის სატრანსფერო ფანჯარაზე?

Mundo Deportivo-ს ინფორმაციით, კატალონიის „ბარსელონა“ იანვრის სატრანსფერო ფანარაზე ტრანსფერების გაკეთებას არ გეგმავს. გამოცემის ინფორმაციით, მიუხედავად ფილიპე კოუტინიოს ტრავმისა, ბლაუგრანასგან მნიშვნელოვან სვლებს არ უნდა ველოდოთ. როგორც...

ბოლო სიახლეები

გავიხსენოთ დიდი კაცი

"ასრულებული ოცნება ოცნება აღარაა" – თქვა ერთმა დიდმა კაცმა, რომელიც 1939 წლის 6 იანვარს კიევში დაიბადა და დღეს 82 წლის გახდებოდა. მან სპორტში უდიდესი...

იუბილარი ფრაზებში

ლეგენდარული და მრავლისმნახველი სერ ალექს ფერგიუსონი არც მეტი, არც ნაკლები 79 წლის გახდა! უპირველეს ყოვლისა, მას ჯანმრთელობას ვუსურვებთ. გავიხსენოთ მისი საინტერესო გამონათქვამები: "ჩემი ცხოვრების განმავლობაში,...

კინგსლი კომანის დაბრუნების სავარაუდო თარიღი ცნობილია

მიუნხენის „ბაიერნის“ შემტევმა, კინგსლი კომანმა მცირე დაზიანება მიიღო, თუმცა საბედნიეროდ ფრანგი ფეხბურთელი სერიოზულ ტრავმას გადაურჩა. როგორც ირკვევა, მედიკოსები კინგსლის დაბრუნებას 8 იანვარს, „გლადბახის“ წინააღმდეგ ვარაუდობენ....

MD: რას აპირებს „ბარსელონა“ იანვრის სატრანსფერო ფანჯარაზე?

Mundo Deportivo-ს ინფორმაციით, კატალონიის „ბარსელონა“ იანვრის სატრანსფერო ფანარაზე ტრანსფერების გაკეთებას არ გეგმავს. გამოცემის ინფორმაციით, მიუხედავად ფილიპე კოუტინიოს ტრავმისა, ბლაუგრანასგან მნიშვნელოვან სვლებს არ უნდა ველოდოთ. როგორც...

ფაბრიციო რომანო: „ჩელსიმ“ ლამპარდის თაობაზე გადაწყვეტილება მიიღო

გავლენიანმა ჟურნალისტმა, ფაბრიციო რომანომ, ლონდონის „ჩელსის“ მთავარი მწვრთნელის, ფრენკ ლამპარდის თაობაზე საინტერესო ინფორმაცია გაავრცელა. როგორც ირკვევა, ლონდონური გრანდი კლუბის ლეგენდის გათავისუფლებას არ აპირებს და იმედი...

გამოწერა

გამოიწერეთ ჩვენი სიახლეები